die nuus het raafswart deur die oggendlig gevlieg
my pa se stem kraak 10,000 myl ver
teen my oor
ons harte breek
tyd versplinter en word weer langsaam
volkome
verblindend finaal kon ons 30 seconds-wenspan
nie die akute antwoord uitstel nie
tussen Londen Dakar en Kaap
is n onbekende grenspos oorgesteek
en verward brand ek ver kerse en tulpe en gebede
my suster! my suster!
nou is ons vrae nietig
sonskitter karooswaer
die gordyn het gesak met die applous
jubelend ses-en-veertig
ons encores en einders
strek blinkblou na jou toe
